Céard a Chlúdaítear

Go hiondúil, cosnaítear taiscí de chuid daoine aonair, cuideachtaí, comhpháirtíochtaí, clubanna agus cumann faoin Scéim Ráthaíochta Taiscí (SRT)

Ní áirítear taiscí de chuid údarás poiblí, árachóirí, cistí pinsean, scéimeanna comhinfheistíochta, banc nó institiúidí airgeadais áirithe eile. Faoi SRT na hÉireann, cosnaítear taiscí atá á sealbhú i mbrainsí Éireannacha agus AE d’institiúidí creidmheasa atá údaraithe in Éirinn. Ní gá duit a bheith i do chónaí in Éirinn nó a bheith i do shaoránach Éireannach chun a bheith i dteideal cúitimh faoin SRT. Aon taiscí a bheidh ar seilbh in institiúidí creidmheasa atá údaraithe i mBallstát eile den Limistéar Eorpach Eacnamaíoch, beidh siad sin clúdaithe faoi scéim ráthaíochta taiscí na tíre sin.

Liostaítear i gCuid 1 den chlár seo a leanas, na bainc a chlúdaítear faoin SRT:  Clár na nInstitiúidí Creidmheasa – Cuid 1 - bainc a chlúdaítear faoin SRT

Cosnaítear taiscí de chuid:

1. Daoine Aonair

2. Trádalaithe Aonair

3. Comhpháirtíochtaí

4. Clubanna, cumann, scoileanna agus carthanas

5. Cuideachtaí

6. Cistí atá á sealbhú ar iontaobhas i gcuntais cliant ag aturnaetha nó ag daoine gairmiúla eile, féadfaidh go mbeidh siad siúd incháilithe i gcás ina mbeidh na buntairbhithe incháilithe as a gceart féin

7. Pinsin bheaga fhéinriartha

Neamchosanta:

Taiscí de chuid-

1. Banc, comhar chreidmheasa agus cumann foirgníochta

2. Daoine a cúisíodh (ar feitheamh cinnidh ó chúirt) nó a ciontaíodh i gcionta sciúrtha airgid

3. Institiúidí Airgeadais

4. Gnólachtaí Infheistíochta

5. Taisceoirí nár aithníodh riamh i gcomhréir leis an reachtaíocht um frithsciúradh airgid

6. Gnóthais Árachais agus Athárachais

7. Gnóthais Chomhinfheistíochta

8. Údaráis Phoiblí

9. Scéim pinsean nó ciste scoir (seachas scéim pinsean bheag, fhéinriatha);